Gazteentzako Irakurketa Jokoaren edizio berri bategaz dator Leioako udal-liburutegia

Erredakzioa 2022ko urr. 14a, 10:49

Daborduko Irakuketa Jokoan parte hartu daiteke; ekimenaren azken egun abenduaren 23an izango da.

Gazteen artean irakurzaletasuna sustatzeko helburua duen jolas horren bederatzigarren edizioa egingo dute aurten. Parte hartzeko epea zabalik dago eta abenduaren 23ra arte egongo da zabalik.

Irakurketa Jokoaren mekanikak ohikoa izaten jarraituko du aurten ere: 6 eta 16 urte bitarteko gazteek orri-markagailu bat jasoko dute maileguan hartzen duten liburu bakoitzeko. Horiek bueltatzeko orduan, beren datu pertsonalakaz eta liburuari buruzko iritzagaz batera aurkeztu beharko dute. Hiru orri-markagailu batzen dituzten gazteek zenbaki bat jasoko dute 2023ko urtarrilaren 2an egingo den zozketan parte hartzeko.

Zozketa horretan, Elkar liburu-dendan erosteko hamar txartel-opari banatuko dituzte, 60 euroko baliokoa bakoitza. Horretarako, Number Generator orrian agertzen diren ausazko zenbakiak erabiliko dituztela adierazi dute , sariak saridunak errepikatu gabe zozkatu ahal izateko, hain zuzen. Irabazleen izenak Leioako udal-liburutegiaren web orrialdean argitaratuko dituzte.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun