Leioako EAJk Iban Rodriguez Etxebarria, gaur egungo alkatea, aukeratu du 2023ko maiatzeko udal-hauteskundeetan zerrendaburu izateko. Hautagaitza horren proposamena aho batez berretsi zuten atzo Leioako Batzarreko alderdikideek.
Hiru seme-alabaren aita eta irakaslea lanbidez, Iban Rodriguez Etxebarria legegintzaldi bat darama Leioako alkate gisa. 2013-2019 aldian ere Hirigintzako zinegotzi eta alkateorde izan zen udalerri horretan, Mari Carmen Urbieta alkate zela.
EAJko iturriek azaldu dutenez, agintaldi honetan proiektu estrategiko "handiak" bultzatu ditu udalerrirako, "batzuk Udalarenak eta beste batzuk beste erakunde batzuen mendekoak, Aldundiaren eta Jaurlaritzaren arteko etengabeko lankidetzan. Pandemiaren ondorioz izandako geldialdiaren ondoren, agintaldi honen amaieraren eta hurrengoaren artean garatuko dira, udalerriak urte hauetan guztietan izan duen aldaketa ikusgarriarekin jarraituz".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
