Tour Egunaren helburua da familien artean txirrindularitza sustatzea, bai kirola bezala, bai garraiobide modura ere, bizikletaren erabilera sustatzeko. Horrela, domekan, Leioan familientzako hainbat jarduera eta tailer egingo dituzte, eskualdean kirol hori sustatzen duten txirrindulari-klubei omenaldia egiteaz gain.
Horretarako, Errekalde plaza aukeratu dute Leioako Tour Eguneko jarduerak egiteko. 10:30etik 14:30era bertaratzen direnek hainbat ekintzaz gozatzeko aukera izango dute: Pumptruck eta gymkana umeentzako, Tour Museoa, txikientzako tailerrak, Euskaltel Euskadiko karpa arrabol birtual bategaz eta Eliseoko Zelaietako podiumeko photocall-a. Gainera, Elkar Kirolak taldeak antolatutako familiarteko bizikleta martxa 11:00etan abiatuko da.
