Joan den zapatuan, hilaren 5ean, Leioako Landabarri kalean, ustez emakume bati poltsa indarkeria erabiliz lapurreta egin zioten bi pertsona identifikatu eta atxilotu zituen Leioako Udaltzaingoak. Atxiloketa Getxotik gertu dagoen kale batean egin zuten, eta, ondoren, Ertzaintzak eginbideak ireki zituen.
Gertaera 23:15ak aldera gertatu zen, bizilagun batek Udaltzainari jakinarazi zionean bi gazte emakume bati poltsa bat lapurtzen eta Artaza parkera ihes egiten ikusi zituela. Leioako Udaltzainaren patruila bat haien bila abiatu zen parkearen ingurura, eta pertsona susmagarriak Getxoko Errekagane kalean atzeman zituzten.
Identifikazioan, gazteetako baten bizilekua jakiteko zain zeudela, agenteak lapurretagaz lotutako aurrekari ugari zituela konturatu ziren. Miaketan biktimaren objekturik aurkitu ez bazuten ere, Ertzaintzako agente batek telefono mugikor bat eta Airpod batzuk aurkitu zituen inguruko hesi batean. Villa de Plencia urbanizazioko segurtasun-zaindariak berretsi egin zuen, bideozaintzako kamerak ikusi ondoren.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
