Etxebizitzen kalitateari eragiten dioten obrak sustatzeko diru-laguntza deialdia egin dute Leioan

Laguntzak 2021ean eta 2022an hasitako edo amaitutako obretarako bideratuko dituzte. © LEIOAKO UDALA

Leioako Udalak diru-laguntza deialdi berri bat atera du, eraikin eta urbanizazioetako ekimen pribatuko obren zati bat diruz laguntzeko. Abenduaren 3ra arte epea zabalik egongo da errekerimendua egiteko, kontuan hartuta laguntzak 2021ean eta 2022an hasitako edo amaitutako obretarako emango direla.

Eskariak obrak egin gura diren higiezin eta eremuen jabe edo jabeen erkidego titularrek edo haien legezko ordezkariek egin beharko dute. Zehazki diruz lagunduko dituzten obrak honakoak dira:

  • Erabilera publikoko eta titulartasun pribatuko urbanizazioak hobetzeko eta egokitzeko obrak.
  • Etxebizitza kolektiboko eraikinetan inguratzaile termikoa hobetzeko obrak.
  • Etxebizitza kolektiboko eraikinetan irisgarritasuna hobetzeko obrak.
  • Babestuta dauden eraikinetan fatxada, teilatu edo estruktura hobetzeko obrak.
  • Putzu septikoak deuseztatzeko obrak.
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun