Gizon bat atxilotu dute Leioan eta Bilbon egun bakarrean hamar bat lapurreta burutzeagatik

Ustezko lapurraren atxiloketaren unea. © LEIOAKO UDALA

Leioako Udaltzaingoak eta Ertzaintzak 40 urteko gizon bat atxilotu zuten aurreko eguenean, azaroaren 10ean, arratsaldeko azken orduan, Leioa eta Bilbo artean zortzi orduko tartean erregistratutako merkataritza-establezimenduetan larderiaz egindako hamar lapurreta egin izana egotzita.

Atxilotua aurreko asteko egunean, 21:00ak aldera atzeman zuten, Leioako establezimendu batean lapurreta egitetik ateratzen ari zela. Udaltzaingoko agenteek eta Ertzaintzak atxilotu zuten, eta ustez lapurtutako dirua aurkitu zioten. Gainera, atxilotuak merkatariak lapurreta baten biktima zirela adierazten zuen larderiazko ohar bat ere zeraman.

Poliziek burututako ikerketei esker, delitugile berrerorle horren ekintzen mapa bat egin ahal izan zuten; antza denez, azaroaren 10ean hamar bat lapurreta egin ahal izan zituen larderiaz mota guztietako establezimenduetan, farmazietan, elikagai-saltokietan eta abarretan. Erabilitako modus operandiaren arabera, egileak lapurreta bat egiten ari zela zela aipatzen zuen eskuz idatzitako paper bat erakutsi zien biktimei, eta batzuetan objektu zorrotz bat ere erabili zuen, beldurtzeko helburuagaz.

Oraindik zabalik dauden polizia-ikerketen arabera, atxilotuaren lehen ekintza eguerdian gertatu zen, Bilboko San Inazio auzoan. Ondoren, Metroz Leioara joan ahal izan zen, eta Udaltzaingoak jakin zuen farmazia batean larderiaz egindako lapurreta bat izan zela. Ustezko egilea Bilbora itzuli zen beste lapurreta bat egiteko, eta arratsaldean berriro joan zen Leioara. Han, beste hainbat saltokitan jarraitu zuen delitu-jarduera horregaz, presaka eta kasu batzuetan ezer lortu gabe.

Leioako denda bateko beste sarrera baten ostean amaitu zen ihesaldia, Udaltzainek ustezko egilea atzeman baitzuten Iparragirre etorbidean, Ertzaintzaren laguntzagaz.

Atxilotua Bilboko ertzain-etxean dago epailearen esku utzi arte. Ikerketak zabalik jarraitzen du oraindik, eta Ertzaintzak gertakariagaz lotutako salaketa batzuk jasotzen dihardu.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun