Leioako Udalak adierazi du neurriak hartzen jarraitzen duela udalerriko zirkulazioaren abiadura muga errespeta dadin. Hori dela eta, radar mugikorraz gain, daborduko hiru radar finko jarri dituzte Iparragirre kalean, udalerrirako sarreran Bilbotik; kale berean baina Bilborako norabidean, kontserbatorioa baino lehen eta Luis Bilbao Libano kalean.
Azaldu dutenez, neurri horien helburua udalerriko trafikoaren abiadura murriztea da, eta Leioako kaleetan ezarritako gehieneko abiadura errespetatzea, 30 kilometro ordukoa baita. Radar finkoak kokatzeko aukeratutako hiru puntuak trafiko handiko puntuak direla zehaztu dute, abiadura-muga non ez den errespetatzen; gainera, ikastetxeak daude inguruan.
Gogoratu dutenez, Leioako hiri-bideko abiadura-muga 30 kilometro ordukoa da, eta hori gainditzeak 100 eta 600 euro arteko isunak dakartza, baita gidabaimenean sei puntu artekoak ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
