Bi bonu mota izango ditu kanpainak: 10 euroko bonua (erosketetarako 5 euro gehiago) eta 20 euroko bonua (erosketetarako 10 euro gehiago). Bonu hauek azaroaren 2tik aurrera erosi ahal izango dira kutxazain multizerbitzuetan eta udalaren webgunean, eta 2023ko urtarrilaren 31ra arte erabili ahal izango dira. NAN bakoitzeko 120 eurorainoko bonuak erosi ahal izango dira.
Era berean, LeioaIndartu bonuak elkarren artean metatu daitezke, faktura bakoitzeko bi bonu arte, eta ezin dira eskudiruagaz trukatu. Bonuak bonuaren zenbatekoaren berdinak edo handiagoak diren erosketetarako balio du.
Parte hartuko duten negozioek identifikazio-kartela izango dute establezimenduan, 10 langile baino gutxiagokoak eta eremu askotakoak izan daitezke: ile-apaindegiak, dekorazioa, jangaiak, farmaziak, moda, ostalaritza...
Leioako alkatearen, Iban Rodríguez Etxebarriaren, hitzetan: "Gure herriko merkataritza gure kaleetako eta Leioako bizimoduaren zati garrantzitsu bat da: ekimen honen bidez esan nahi dizuegu zuen gertutasunaren, tratuaren, lanaren eta zuen eskaintzaren kalitatearen alde egiten jarraitzen dugula. Duela ez asko egiaztatu dugun bezala, pandemiaren garairik zailenetan. Gure merkataritza udalerri gisa dugun bizi-ehunaren funtsezko zatia da.”