Ehunka leioaztarrek gozatu dute nekazaritza eta abeltzaintza azokaz

Ander Zarraga 2022ko abe. 12a, 16:17

Baserrietako produktu freskoak eskuratu, artisauen sorkuntzak miretsi, animaliakaz harritu eta herri kirolen erakustaldiakaz entretenitzeko aukera izan dute leioaztarrek domekan egin den XXXIII. Nekazaritza eta Abeltzaintza Azokan. Normaltasunera bueltatuta, 102 postuk hainbat motatako produktu eskaini dituzte eta goiz osoan zehar publiko guztientzat hamaika jarduera egon dira.

Ohikoa izaten denez, aurtengo azokan ere hainbat saridun ere egon dira. Idiazabal Gaztaren XXII. Edizioaren lehiaketa da horien artean nabarmenena. Bertan, bizkaitar jatorriko 14 gaztagileetatik bostek hartu dute parte, eta honela geratu da sailkapena:

  1. Ipiñaburu (Zeanuri)
  2. Santamañe-Baskaran (Markina-Xemein)
  3. Aitor Urien (Abadiño)

Horrez gain, Laukizko Beñat Urbietaren behiak eskuratu du Behi Politaren izendapena. Saski zozketatuak ere banatu dituzte: Daniel, Esther de Armas eta Denisse Manson suertatu ziren irabazleak.

Azkenik, udal-iturriek azpimarratu dute 102 pertsonak parte hartu dutela nekazarien eta artisauen artean postua jartzen, eta 105 abelburu ere izan direla Leioako kaleetan. Etxolen XV. Dekorazio lehiaketan 102 postu aurkeztu dira, horietatik 80 nekazaritzako produktuakaz eta 22 artisautza eta landareakaz, eta horietatik Gatikako Rosario Etxeberria izan da irabazlea.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun