Udalerriko ia hogei saltokitan dago salgai Leioa, beste ikuspegi batetik izeneko liburua. Argitalpen horrek udalerria erakusten du, leku berriak ezagutzeko irudien bidez eta ikuspegi berri batetik, natura protagonista dela, parkeak eta berdeguneak nabarmenduz. Kultur Leioan ere lor daiteke.
Ekimenaren helburua da udalerriaren ikuspegi desberdin hori erakustea, neurri handi batean pandemia garaian aurkitutakoa, eta, aldi berean, Leioako familia behartsuenei lagundu. Horregatik, Udalak proposamen horretan parte hartzera animatu gura izan ditu herritarrak.
Salmenten bidez bildutako dirua Sortarazi elkartera bideratuko dute. Erakunde horrek hainbat ekimen sozial garatzen ditu, herriko elikagaien bankua kudeatzen du eta zuzenean lagundu ahal izango die gehien behar duten adin txikikoen, pertsonen eta familia leioaztarren elikaduragaz. Horregatik, bi euro sinbolikoez gain, aparteko dohaintza bat ere eskatu dute ekimenari laguntzeko.
Leioan liburua salgai duten dendak honako hauek dira:
- Librería Iris
- Farmacia Sanchez Moreno
- Linsay
- La Toscana
- Maitane
- Flovar bolsos
- Karlaine
- Iduna
- Optika Leioa visión
- Fieldburu
- Loycar
- Bea y Mentxu peluquería
- Marzo21
- Isbert Art
- Balbalina
- Jugueteria Itziar
- Kopi Ona