Atzo, eguaztena, goizaldeko 02:00ak pasata, Ertzaintzari eta Leioako Udaltzaingoari jakinarazi zieten pertsona bat zegoela Iturribide auzoko taberna baten barruan. Bi polizia-kidegoak bertaratu zirenean, establezimenduak leiho bat hautsita zuela egiaztatu ahal izan zuten. Tabernara sartzean, kutxa erregistratzailea bortxatuta zegoela eta ustezko egilea zerbitzuetan ezkutatu zela ere egiaztatu zuten. Ondoren egindako miaketan, inplikatuak bere gauzen artean tabernako diru-bilketatik ateratako txanpon ugari zeramatzala baieztatu ahal izan zuten.
Ondorioz, 39 urteko gizona atxilotua izan zen indarra erabiliz lapurreta egitea egotzita. Atxilotua ertzain-etxera eraman zuten, beharrezko eginbideei ekiteko, eta, amaitutakoan, epailearen esku utzi zuten.
Ertzaintza beste pertsona batzuek lapurretan parte hartu ote zuten ikertzen ari da, eta ez du baztertzen atxiloketa gehiago egitea.