Leioako eraikin adierazgarriena bertatik bertara ezagutzeko aukera egongo da otsailean eta martxoan egingo dituzten bisita gidatu antzeztuetan. Horietan, Victor Chavarri enpresariaren emakumeak, semeak, zerbitzuko langileek eta Manuel Maria Smith Ybarra arkitektoak jauregiaren historia eta sekretuak bertatik bertara eta modu dibertigarrian erakutsiko dituzte.
Ingalaterrako jauregietan oinarrituta, Manuel Maria de Smith Ybarra arkitekto ezagunak Victor Chavarri enpresaburu eta politikari bizkaitarrarentzat diseinatu zuen Artatza Jauregia. Tokia bere emazteak aukeratu zuen, naturak inguratutako toki diskretu baten bila, eta XX. mende hasierako burgesia industrialaren erdigune eta adierazgarri bihurtu zen.
Orain, Leioako Udaleko Kultura Sailak jauregia hurbiletik ezagutzeko aukera eskainiko du otsaileko eta martxoko zapatuetan egingo dituzten bisita gidatuetan. Daborduko euskarazko bisita gidatuetarako txandak bakarrik geratzen dira; horien iraupena 45 minutuko da eta parte hartzeko izena ematea beharrezkoa izango da Kultur Leioara deituz edo bertaratuz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun