Udaltzainek, Ertzaintzaren txakur-unitatearen laguntzagaz, gizon bat atxilotu zuten atzo, hilak 9, Leioako ostalaritza-lokal batean droga trafikatzea egotzita. Iparragirre etorbideko Boulevard taberna lau orduz miatu ondoren atxilotu zuten pertsona susmagarria. Bertan, saltzeko prest zituzten substantzia estupefazienteak konfiskatu zituztela ere gaineratu dute.
Atxilotuak, 34 urteko gizona, Espainiako Polizia Nazionalaren egoitzan igaro zuen gaua, gaur bertan epailearen esku utzi ahal izateko. Halaber, aipatutako lokala zigilatuta ere geratu da, epailearen aginduaren zain.
Udal-iturriek azaldu dutenez, atxiloketa Leioako Udaltzaingoak hainbat astez jarraipena egin ostean burutu dute. Bizilagunek hainbat salaketa jarri ondoren, hainbat egunez ikertu zuten lokala, eta, bereziki, atxilotutako pertsona.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!