Leioako elkarteen sarea berdintasunean trebatzeko gida aurkeztu du Udalak

Erredakzioa 2023ko mar. 16a, 11:06
Txelo Castellanos Berdintasun zinegotziak eta Iban Rodriguez alkateak aurkeztu zuten gida. © LEIOAKO UDALA

Leioako Udalak gida bat jarri du udalerriko elkarteen eskura, euren eguneroko funtzionamenduan genero-ikuspegia txertatzen laguntzeko. Daborduko udalerriko 100 bat elkarteren artean banatu dute gida, gizarte bidezkoago baterako aldaketa sustatzeko eta bultzatzeko beharrezkoak diren baliabideak emateko helburuagaz.

Iban Rodriguez Leioako alkateak eta Txelo Castellanos Berdintasun Saileko zinegotziak atzo egin zuten aurkezpenean azaldu zutenez, gida honek udalerriko elkarteen barruan jarduera bat garatzen duten pertsona guztiei aukera emango die garatzen dituzten proiektu eta jardueretan eta antolaketa-zereginean genero-ikuspegia txertatu ahal izateko. Halaber, iragarri zuten Udalak prestakuntza teknikokoa jasotzeko aurrez aurreko saioak antolatuko dituela interesa duten erakunde guztientzat.

Udal-ordezkariek azpimarratu zutenez, "emakumeen eta gizonen berdintasunaren alde egitea onuragarria da gure auzo eta hirietan parte hartzen duten pertsona guztientzat; izan ere, horrela, gizarte bidezkoago bat garatzen laguntzen dugu, generoaren ondorioz edozein diskriminazio mota desagerraraziz".

Horregatik, Leioako Udalak berdintasuna bultzatu gura du udalerrian, elkarteek gure udalerriko pertsonakaz duten hurbiltasunagatik eta harreman zuzenagatik betetzen duten paper garrantzitsua azpimarratuz.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun