Aurtengo Pintura Azkarraren Lehiaketan izena emateko epea maiatzaren 4ra arte egongo da zabalik eta kultur Leioaren webgunearen bitartez. Halaber, lehiaketa egingo den egunean bertan ere parte hartzeko aukera egongo da 08:00etatik 10:00ak arte.
Margolanetarako, artistek antolatzaileek markatutako udalerriko hainbat puntu islatu beharko dituzte euren obretan: Elexalde errota, Estartetxe kalea, Lamiako-Txopoeta, Mendibile jauregia, Ondiz, Pinosolo parkea, Sabino Arana kalea, San Bartolome ermita, udaletxea, eliza edo Udondoko bulebarra.
Sariei dagokienez, lehiaketak hiru sari nagusi izango ditu: 1.300 euro, 1.100 euro eta 800 euro, pintura paleta barne. 18 eta 30 urte bitarteko gazteentzako 800 euroko 'Gaztea' sari tradizionala ere mantenduko da. Bertako artista onenaren 'Leioa' saria 500 eurokoa izango da eta 18 urtetik beherakoentzako 'Harrobia' saria ere emango dute, 120 eurokoa. Sari horiek guztiek pintura-paleta ere izango dute.
Lehiaketaren oinarriak esteka honetan kontsultatu daitezke.