Aurreko aste-akabuan amaitu zen waterpoloko 1. mailako liga erregularra eta Leioako Claret Askartza taldeko mutilek hirugarren postua eskuratu dute horretan. Horri esker, lehen lau sailkatuakaz batera igoera promozioa jokatzeko aukera izango dute eta Espainiako waterpoloaren urrezko kategoriara igotzeko lehian egongo dira.
Claret Askartza Waterpolo taldeko mutilek bigarren urtez jarraian lortu dute igoerako borrokan sartzea, gainera, oraingoan Katalunia kanpoko talde bakarra izango dira. CN Sant Feliu, CN Premià eta UE Horta taldeek osatzen dute taula, sailkapen-ordenaren arabera.
Talde leioaztarra emaitza onakaz heldu da denboraldiaren azken txanpa horretara. Gainera, gizonezkoen arrakastari emakumezkoen taldeak lortutakoa ere gehitu behar zaio; izan ere, maiatzean lehen maila nazionalera igotzeko fasea jokatuko dute, Euskal Herriko Liga erregularreko txapeldun izendatu ondoren.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
