Gaude elkarteko langilea den Borja Llonin Fernandezek adierazi duenez, gaur eguerdiko manifestazioan parte-hartzaile guztiek mortadelazko bokata bat jango dute Bizkaiko Foru Aldundiaren jauregiaren aurrean "Hitzarmen prekarioak, janari prekarioak" lelopean. Modu horretan, ironiaz betetako keinuaz baliatuz, erakutsi gura dute euren soldatakaz zer nolako otorduak jan dezaketen. "Gaur eta bihar egingo ditugun mobilizazioakaz eskatu gura dugu soldatak Kontsumorako Prezioen Indizearen (KPI) arabera eguneratzea. Pandemian muxukorik gabe lanean ibili ginen, egunero txaloak jasotzen genituen gure lana egiteagatik, eta, orain, inor ez da gutaz gogoratzen", deitoratu du Lloninek.
Gainera, gaur goizetik Gaude elkarteko langileek enpresako sarrera blokeatu dute, greba egunari hasiera emateko.
👉 Asociación Gaudeko langileak enpresako sarrera blokeatzen ari dira.
— LAB Soziokomunitarioa Bizkaia (@LABsozbiz) May 8, 2023
👉La plantilla de Gaude esta bloqueando la entrada a la oficina.#aniztasunfuntzionalaborrokan#hitzarmenduinaorain pic.twitter.com/2VMljPDoP2
Bestalde, bihar ere, maiatzak 9, Marea Urdinak greban jarraituko du, eta, horregatik, kontzentrazioa egingo dute Bilboko Itsas-Museoaren aurrean, goizeko 10:00etatik 13:00etara.