Datorren ikasturterako eskainiko dituzten ikastaroen artean hauetan eman daiteke izena: zura lantzea, zeramika, marrazketa eta margolaritza, eskulanak eta birziklatzea, altzariak zaharberritzea, ehoziri-lana, puntua eta kakorratz-lana, ipuin laburra, jantzigintza, mugimendua eta erlaxatzea musikaren bitartez, argazkilaritza digitala, edizio eta errebelatze digitala, eta eskulanak Pinuetan. Ordutegiak eta prezioak informazio-liburuxka honetan kontsulta daitezke.
Aldez aurreko izen-emateak Kultur Leioan eta udaletxeko eta Gaztelubideko (Langileria 202) HAZ bulegoetan egin ahal izango dira. Tailerretako plaza-kopurua mugatua da eta aldez aurretik izena emandakoen kopurua eskura dauden plazena baino handiagoa bada, zozketa publikoa egingo da. Beraz, izen-ematearen ordenak ez du ziurtatzen plaza bat lortzea. Zozketa, egin behar bada, irailaren 13an egingo da, oraindik zehaztu gabeko ordu batean.