Oporretako etenaldiaren ostean, datorren barikuan, irailak 1, lurreko jarduera guztiak hasiko dituzte Sakoneta kiroldegian. Hala, ikastaro eta jardueretan izena eman zuten guztiek 2023/2024 ikasturteari hasiera emateko aukera izango dute.
Udal-iturriek azaldu dutenez, ikasturte honetarako jarduera-eskaintza oso zabala izango da, eta era guztietako kirol-beharrak asetzea du xede, bai helduentzat bai ume eta gazteentzat ere.
Horrez gain, ikasturte berrirako uretako jarduerak, bai aquagymekoak bai igeriketa-eskolakoak ere, irailaren 4an hasiko dituzte, astelehenean, gazteentzat zein helduentzat.
Lotura honetan kontsultatu daitezke ikasturte honetako ikastaroen ordutegiak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!