Leioako Euskal Kirol Zaleak elkarteak eta Leioako Udalak IX. Herri Ibilbidea egingo dute domekan, urriaren 29an. 15 kilometro izango dituen ibilbide horretan Ondiz, San Bartolome eta Santi Mami baselizak bisitatuko dituzte, besteak beste.
Ibilaldia 09:30ean hasiko da, baina 09:00etan jarri dute hitzordua Boulevarden, parte-hartzaileek dortsalak jaso ditzaten. Ibilbide erdian, kirolariek indarrak berreskura ditzaten txitxiburduntzia eskainiko dute 11:30ean.
Antolatzaileek azpimarratu dutenez, kirol jarduera hori "aukera aparta da Leioako ondare arkitektoniko eta historiko-artistikoaren zati bat ezagutzeko eta udalerriko eta inguruko paisaia onenez gozatzeko".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!