Iban Rodriguez Leioako alkatea buru zutela, Leioako Udalbatzako kideek eta hainbat leioaztarrek Memoriaren Egunean biktimak oroitzeko eta omenaldian parte hartu dute. Ekitaldia gaur goizean egin dute Nestor Basterretxearen Indarra eskulturaren inguruan batuta.
Elkarretaratzean, Rodriguez alkateak lore-sorta utzi du eskulturan eta bertaratutakoek minutu bateko isilunea gorde dute. Ekitaldi "xume baina hunkigarri" horregaz, Udaleko iturriek azpimarratu dute Leioak bat egiten duela beste urtez batez Memoriaren Eguna ekimenagaz.
Azaldu dutenez, data hori 2010eko maiatzean ezarri zuten euskal erakundeek, eta azaroaren 10a aukeratu zuten ekitaldia egiteko egunerako, data horretan ez baita inoiz atentatu hilgarririk gertatu.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!