Bizarrak fruta-dendak Bizkaiko Merkataritzako Enpresari Konfederazioaren errekonozimendua jaso du

Ander Zarraga 2023ko aza. 21a, 10:32
Gaizka Carazo eta Ane Carmen Ibarguen Bizarrak fruta-dendako ugazabak, Iban Rodriguez Leioako alkateagaz. © IBAN RODRIGUEZ

Pinueta auzoko fruta-dendako Gaizka Carazo eta Ana Carmen Ibarguren Uribe Kosta, Txorierri eta Mungialdea eskualdeetako saria jaso zuten Iban Rodriguez Leioako alkatearen eskuetatik. 

Saria auzoko negozio horren lanaren errekonozimendua da. Cecobi Bizkaiko Merkataritzako Enpresari Konfederazioak Bizarrak fruta-dendaren hurbiltasuna, gustu ona, produktuen kalitatea eta bezeroarekiko tratua aintzat hartu zituen sario hori emateko. 

Bizkaiko Merkataritzako Enpresarien Konfederazioa 1987an sortu zen irabazi asmorik gabeko erakundea da. Bizkaiko handizkako eta txikizkako merkataritza-enpresen interesak defendatzeko eta sarea hobetzeko helburua du.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun