Lamiako izango da Leioa Itsasadarretik jai herrikoaren agertokia datorren domekan, hilak 26. Udaleko iturriek iragarri dutenez, jardunaldi horretan umeentzako eta familientzako jarduerak, gastronomia eta musika izango dira goizean. Azaldu dutenez, Leioa Itsasadarretik ekimenaren helburua da Leioako itsasadarraren garrantzia zabaltzea eta ezagutaraztea.
Egun horretan, 11:00etatik 15:00etara, Juan Ajuriaguerra plazan umeentzako puzgarriak, itsas gaiakaz egindako aurpegien margotzea eta gatzezko postalak egiten ikasteko artisautza tailerra egingo dituzte.
Eskaintza gastronomikoari dagokionez, U-Lovers & Malfado food truck-ek bere produktuak eskainiko ditu, eta bertaratzen direnek Nerbioi itsasadarrean zehar Bilboat itsasontzian 2024an egingo den ibilaldi batean izena emateko aukera ere izango dute. Eskaera bakoitzak gehienez hiru plaza izango dituela aurreratu dute, lekua bete arte.
