Lehiaketa lau kategoriatan egongo da banatuta, adinaren arabera, eta 18 urtetik gorako edozein herritarrek parte har dezake horretan. Idazle bakoitzak gehienez gutun bi aurkeztu ahal izango ditu, euskaraz zein gaztelaniaz, eta bakoitzak bi orrialde hartu ahal izango ditu gehienez.
Sariei dagokienez, kategoria bakoitzean sari bi banatuko dituzte: 250 euroko dirusaria, garaikurra eta diploma bat eta 150 euro, garaikurra eta diploma.
Epaileek gutunen paperaren ezaugarriak, hala nola kolorea, usaimena, edo ehundura bezalako ezaugarriak ere baloratuko dituzte, baina garrantzitsuena estiloa, kontaketaren garapena, aurkezpena eta originaltasuna izango dira. Eskuz idatzitako lanak badira kaligrafia ere kontuan edukiko dute.
Gutunak Kultur Leioara bidali beharko dira Jose Ramon Aketxe plaza, 11 48940 Leioa, Bizkaia helbidera. Gutun barruan idatziaren hiru kopia aurkeztu beharko dira, baina egilea ez da identifikatu behar, horiek beste kartazal batean eman beharko dira.