Aurreko urteko topaketan 180 lagun inguruk parte hartu zuten, eta urtez urte gero eta emakume gehiago erakartzen dituen ekimeneko antolatzaileek egitasmoa handitzen jarraitzeko kolaboratzaile bila ari direla jakinarazi dute. Hala, aurten, berritasun gisa, haurtzaindegi-zerbitzua ere eskaintzeko asmoa dutela iragarri dute, eskalatzera doazen amek lasai parte hartu ahal dezaten.
Eskalatzeko izen-ematea doakoa izango da eta egunean bertan egingo da, ekitaldia hasi aurretik. Adin eta maila guztietako neska eta emakumeen lehiaketak eta erakustaldiak 17:00etatik 21:00etara izango dira, Sakoneta kiroldegian.
Izen-emateagaz batera, eskalatzaileei kamiseta bat ere oparituko zaie eta lehiaketako irabazleek txokolatezko medailak ere jasoko dituzte; izan ere, antolatzaileek nabarmendu dutenez, sariak parte-hartzaile guztien arteaz zozkatuko dituzte, "lehiaketaren ospea mantentzeko".