Kultur Leioako langileek baieztatu dutenez, ura sartu da auditoriumera eta horrek gaur, otsailak 28, arratsaldeko Mendi Tourreko proiekzioa bertan behera uztera derrigortu die. Biharko arazoa konponduta egongo delakoan daude, eta horrenbestez bigarren jardunaldiko emanaldiak egin ahalko dituztelakoan daude.
Leioako Udaleko iturriek baieztatu dutenez, atzo, otsailak 27, arazo bera izan zuten, eta horren ondorioz Zine Forumeko hitzordua ere bertan behera utzi behar izan zuten. Udaleko iturriek jakinarazi dute sarrerak erosita dituzten pertsonei horien zenbatekoa itzuliko dietela edo beste saio batzuetarako aldatu ahal izango dituztela.
Proiekzioak Mendi Film jaialdiak antolatu ditu Leioako Udalagaz eta Leioa Mendi Taldeagaz batera, aurreko astetik egiten ari diren Mendi Astearen testuinguruan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!