Tokiko merkataritza eta ostalaritza ezagutaraztea eta sustatzea da Leioa Merkataritza Ibilbideak programaren helburua. Horren bitartez, Gurutze Beitia aktoreak eta Xabier Lapitz kazetariak hainbat bisita gidatu dinamizatuko dituzte eta herritarrek Leioako establezimenduen historia, xehetasunak eta kultur intereseko bitxikeriak ezagutzeko aukera izango dute, atsegin eta dibertigarri modu batean.
Ibilbideak barikuan, martxoak 15, arratsaldez, 18:30ean izango dira eta zapatuan, martxoak 16, goizez, 11:30ean. Gehienez 10 laguneko taldeetan garatuko dira eta erabat doakoak izango dira.
Parte hartzeko, aldez aurretik izena eman beharko da Behargintzako web orrian eskuratu daitekeen formulario bat betez. Izena emateko epea martxoaren 13an, eguaztenean, amaituko da. Plazak mugatuak dira eta eskabide-ordenaren arabera esleituko dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!