Parte-hartzaile bakoitzak gehienez bi proposamen aurkeztu ahal izango ditu, lelo desberdinagaz eta, nolanahi ere, originalak eta argitaratu gabeak izan beharko dira. Gainera, oinarrietan zehaztu dutenaren arabera, ezingo dira adimen artifizialagatik sortutako artelanak aurkeztu, baina teknika librea izango da eta edozein arte-modalitate erabil daiteke. Proposamenek nahitaez jaso beharko dute Leioako jaietako ohiko elementuren bat eta Leioa San Juan Jaiak 2024 testua.
Herri-bozketa
Kuadrilletako ordezkariek, kulturargaz, diseinuagaz eta komunikazioagaz zerikusia duten pertsonek osatutako epaimahaiak bost kartel finalistak aukeratuko ditu apirilaren 22an. Horren ostean, herritarrek gustukoen dituzten hiru kartelak bozkatu ahal izango dituzte apirilaren 23tik 29ra bitartean. Artelanak Udalaren Kultura Webgunearen bidez edo Kultur Leioan aurrez aurre bozkatu ahal izango dituzte, 3, 2 edo puntu 1 emanez.