"Heldu ginean, konturatu ginen itoginaren azpian norbaitek kubo bat jarri zuela; gerora, gure artean hitz egiten, jakin genuen ostegunetik horrela zegoela, eta Udaltzaingoak ere bazekiela, baina guk abisua eman arte inork ez zuen ezer egin", azaldu du Arene Arbizu Lamiako Maskaradako kideak.
Gaineratu duenez, horren eraginez entsegua kalean egin behar izan zuten egun horretan, eta argindarrik ez zutenez, auto batetik atera behar izan zuten musika. Gainera, erantsi du ikuskizunean erabiltzen duten egurra hondatu zaiela eta zapaian arrakala bat ere azaldu dela.
"Aurreko urtean ere berdina gertatu zitzaigun, baina oraingoan larriagoa izan da. 40 urte baino gehiago daramatzagu hemen eta eraikin hau auzoko beste hainbat elkartek erabiltzen dute, beraz, uste dugu minimo bat egon beharko litzatekeela", azpimarratu du leioaztarrak. Zehaztu duenez, eraikina elizaren jabetzakoa da, eta Udalak esan die urteak daramatzala horiekaz negoziatzen, "baina guk eskatzen dugun bakarra da eraikina erabili ahal izateko gutxieneko bat".