Iban Rodriguez Etxebarria alkatea eta Elixabete Etxanobe Bizkaiako Foru Aldundiko ahaldun nagusia, Begoña de Ibarra Foru Aldundiko kultura zuzendaria, Estibaliz Bilbao kultura zinegotziarekin eta Pedro Arceredillo Sustapen Ekonomiko eta Turismoko zinegotziagaz batera filmaketara hurbildu dira, gaur goizean, egunotan Leioan dauden profesionalak agurtzeko.
Leioako Artaza Jauregian Karmele Asier Altuna euskal zinemagileak zuzendutako euskarazko film luzea filmatzen ari dira egunotan. Txintxua Filmsek eta Esnatzeko Ordua Films AIEk ekoitzi dute, eta Euskadiko hainbat tokitan filmatuko da maiatzean.
Udaleko iturriek azpimarratu dutenez, ekoizleek Artatza Jauregia aukeratu dute berriz ere filmatzeko agertoki gisa, eta aukera berri bat eman dute udalerriak bere erakargarritasun turistikoa eta ondare historikoa ezagutzera eman dezan, baina, gainera, egun hauetan herriko Jauregian filmatzen ari diren Karmele filma balio erantsia da, tokiko eta euskarazko ekoizpena delako eta Euskadiko zinema-industria dinamizatzen eta euskal kultura bultzatzen laguntzen duelako.
Artaza Jauregian filmaketa ugari egin dira, hala nola Cicatriz, Intimidad edo 30 monedas, Alex de la Iglesiaren zuzendaritzapean.