Hasteko, aurtengo Umore Azokako Euskadiko Ikuskizun Onenaren saria La Pez konpainiaren Plaza lanarentzat izan da. Epaimahaiko kideek sari nagusia eman diete piezaren freskotasunagatik, hurbiltasunagatik eta publikoagaz izan duen erabateko komunikazioagatik. Tokikotik globalera doan erakusketa izan delako, bihotzagaz hitz egitea lortu duelako eta dramaturgia berriak erabili dituztelako, komunitatea eta elkartasuna, errespetua eta desberdintasunaren aldeko borroka bezalako balioak sortuz.
Bestetik, 2024ko Munduko Ikuskizun Onena Cie Balancetoi & Maleta Conpany konpainiak lortu du Claudette lanagatik. Zirkuaren poetika eta txotxongiloak uztartzeagatik saritu dute, aldi berean erakusketa sinple eta handi bat lortu baitute. Maila handiko bi diziplinetan egindako obrak eta belaunaldien arteko istoriak emozioa eragin du ikusleengan.
Azkenik, Umore Azokako epaimahaiak 2024ko Aipamen Berezia eman dio La Corcoles konpainiari, H izeneko erakusketagatik. Funanbulistak dotorezia eta edertasunagaz dantzan egin duelako kable baten gainean, diziplina hau erreza izango balitz bezala irudikatu dutela adierazi dute epaimhaiako kideek.
Sariak banatzeaz arduratu den epaimahaia sektoreko ordezkari esanguratsuek osatu dute: Amagoia Garaiazabal, Basauriko Udaleko Kultura Teknikaria eta Artekaleko Presidentea; Anna Guiberet, Fira Tarragako Zuzendari Artistikoa; Fernando Marin, Gasteizko Udaleko Teknikaria eta KaldeArteko Programatzailea; Luis Lozano, Kultura Kudeatzailea eta Espainiako Antzerki, Auditorium, Zirkuitu eta Jaialdien Sareko Zirku Batzordeko Kidea; eta Isabel Pérez Izquierdo, Kultura Kudeatzailea eta Andaluziako Kultur Erakundeen Agentzia.