Udalak, Leioa Kirolaken bitartez, 2024-2025 denboraldirako kirol-eskaintza zabala eta askotarikoa eskainiko duela iragarri du. Gustu, adin eta baldintza fisiko guztietarako pentsatutako eskaintza izango dela azpimarratu dute, bereziki gazteenei, helduei, nagusiei eta haurdun dauden emakumeei zuzendutako ikastaroak izango dituena. Gainera, Haszten elkarteagaz egingo lankidetzari esker, Leioa Kirolakek kirol egokituko ikastaroak ere eskainiko ditu ezintasunen bat duten pertsonentzat
Izena emateko epea zabalik dago eta irailaren 8an amaituko da, igeriketa ikastaroetarako izan ezik. Kasu horietan eskaera eta maila probak irailaren 9tik 13ra izango dira. Bietan, izena aurrez aurre eman ahal izango da, bai Sakonetan, bai Torresolon, eta, telematikoki, uki.atezaintza@leioa.eus helbidearen bidez. Jarduerak urrian hasiko dira.
Gainera, Torresoloko kanpoko igerilekuen instalazioak hilabete honen erdialdean ixtea baino, aurten, Udalak erabaki du horien irekiera irailaren 29ra arte luzatzea. Hala, irailaren 16tik 29ra bitartean Torresoloko igerilekuen ordutegia 14:00etatik 21:00etara izango da astelehenetik barikura, eta aste-akabuetan ohiko ordutegia mantenduko da, 10:00etatik 21:00etara.
Horrez gain, abuztuan, Sakonetako kiroldegiak honako zerbitzu hauek eskainiko ditu: gimnasioko informazioa eta muskulazioa, hilaren 1etik aurrera, 09:00etatik 21:00etara; boulderra, abuztuaren 5etik aurrera; abuztuaren 19tik aurrera, ordutegia ohikoa izango da eta instalazio hauetako igerilekuak zabalduko dira.
Kontsultatu lotura honetan hurrengo ikasturteko ikastaroak, igeriketa-eskaintza eta padel ikasteko informazioa.