Urriaren 4tik aurrera, Leioak Sorgina Txirulina izeneko ipuin-kontalarien programa abiatuko du, euskaraz hitz egiten ez duten 5 eta 8 urte bitarteko umeentzat. Horretan, hilean zortzi saio egingo dituzte 2025eko maiatzera arte, Kultur Leioan, familiei giro lasaian hizkuntza horretara hurbiltzeko. Izen-emateak udal euskara zerbitzuaren bitartez egin daitezke.
Bigarren programa, Familian, aisialdia euskaraz bizi! izenekoa, urriaren 18an hasiko da eta hiru tailer eskainiko ditu abendura arte, doakoak eta euskaraz. Programa honek Leioako familia euskaldunen arteko harremanak sendotu gura ditu, artile, sukaldaritza eta talo tailerrak egiten dituzten bitartean.
Bi ekimen horiek Udalak familia- eta aisialdi-guneetan euskararen erabilera sustatzeko egiten dituen ahaleginen parte dira, eta aukera emango diete familia ez-euskaldunei euskararen ezagutza eskuratzeko, seme-alabakaz denbora partekatzen duten bitartean.
Jarduerak zabalik daude aldez aurretik izena emateko; horretarako, idatzi euskarazerbitzua@leioa.eus helbidera edo deitu 946 072 576 telefonora.