Leioako Udaleko Gizarte Politiken arloak sustatutako jarduera urriaren 24tik 27ra bitartean egingo dute. Lau parte-hartzaile arteko taldeentzat diseinatutako ihes-gela horrek jolas- eta hezkuntza-esperientzia bat eskainiko die gazteei, ausazko jokotik eratorritako arazoei buruz hausnartzeko xedeagaz, alarma-seinaleak identifikatzen laguntzeko eta, laguntza behar izanez gero, eskura dituzten baliabideak ezagutzera emateko.
Ihes-gela hori doakoa izango da, baina aldez aurretik izena eman beharko da, eta urriaren 7tik aurrera egongo da zabalik. Saioek 20 eta 25 minutu arteko iraupena izango dute, eta ordu erdiro egingo dituzte.
Hilaren 24an eta 25ean arratsaldez izango dira, 16:00etatik 21:00etara, eta 26an eta 27an, berriz, goizeko saioak, 10:00etatik 15:00etara, eta arratsaldez, 16:00etatik 21:00etara. Izena emateko, interesatuek sustapen-kartelean dagoen QR kodea eskaneatu beharko dute, eta gura duten eguna eta ordua aukeratu.
