Bi ildoetarako baldintza orokorrak hauek dira:
- Langabezian eta enplegu-eskatzaile gisa erregistratuta egotea. Langabetzat hartuko dute lanaldi partzialeko kontratu bategaz lan egiten duten pertsona, gehienez ere % 30eko lanaldiagaz.
- Azken urtean Jarduera Ekonomikoen gaineko Zergan (JEZ) edo Langile Autonomoen Araubide Berezian alta emanda ez egotea.
- Behargintza Leioako aholkularitza- eta laguntza-prozesu batean parte hartzea.
Horregaz batera, enpresa-ideia bat garatzeko lehen lerroko laguntza jasotzeko betekizunak honako hauek dira:
- Edozein sektoretan negozio-ideia bat izatea.
- Aldez aurretik Lanbideren deialdietan enpresa-ideiak garatzeko edo jarduera berriak sortzeko laguntzarik jaso ez izana.
- Eskaera egiteko epea: urriaren 27ra arte.
Bigarren lerroari dagokionez, enpresa-jarduera berriak sustatzeko laguntzetarako betekizun gehigarriak hauek dira:
- Enpresaren bideragarritasun-plan bat aurkeztea, Behargintza Leioak ebaluatuko duena.
- Enpresak Euskal Autonomia Erkidegoan izan behar du egoitza fiskala eta soziala, eta lantokiak ere erkidego berean egon behar du.
- Lanbidek kudeatutako enpresa-jarduera berriak sortzeko aurretiazko laguntzarik jaso ez izana.
- Eskaera egiteko epea: azaroaren 10era arte.
Izapideak telematikoki zein aurrez aurre egin daitezke. Laguntza horiek Lanbide-Euskal Enplegu Zerbitzuak finantzatzen ditu.