Ekitaldi honegaz, Leioako udalerriak bat egingo du, aurten ere, euskal komunitatearen omenaldiakaz, Memoriaren Egunean, euskal erakundeek 2010eko maiatzean indarkeriaren ondorioak jasan dituztenak ohoratzeko ezarri zuten egunean. Azaroaren 10a aukeratu zuten ospakizun horretarako, egun sinbolikoa delako, urteetan zehar ez baitzen atentatu hilgarririk izan.
Udalak nabarmendu duenez, ekimen horren helburua ez da gogoratzea bakarrik, baita bakean oinarritutako bizikidetzaren aldeko elkartasun- eta konpromiso-loturak sendotzea ere. Elkartearen sendotasunaren eta erresilientziaren ikur den Leioaren Indarra eskulturan egingo den hitzorduak herritarren arteko batasun eta errespeturako espazio bat eskaini gura du, biktimen omenez.
Udalak interesa duten pertsona guztiak gonbidatu ditu ekitaldian biltzera eta bakearen eta memoriaren aldeko konpromiso kolektiboaren manifestazio honetan parte hartzera, Leioak indarkeriaren aurrean komunitate batu gisa duen papera berretsiz.