Lehiaketak lau kategoria izango ditu, adinaren arabera banatuta: 18 urte artekoak, 19tik 39ra bitartekoak, 40tik 59ra bitartekoak, eta 60 urtetik gorakoak. Sail bakoitzean sari bi banatuko dituzte: lehenengoak 250 euro, garaikur bat eta diploma bat izango ditu, eta bigarrenak 125 euro, garaikurragaz eta diplomagaz batera.
Parte hartzaile bakoitzak gutun bi aurkeztu ahal izango ditu, originalak eta argitaratu gabeak. Epaimahaiak testuaren estiloa, garapena eta aurkezpena, originaltasuna eta, eskuz idatzitako gutunen kasuan, kaligrafia baloratuko ditu.
Deialdi hau urtero egiten da hitzen bidez sentimenduak partekatzeko eta komunikatzeko gune gisa, eta eskualdean erreferente gisa finkatu da.