Abenduaren 14an, zapatuan, Leioako Mendibile Jauregian Kantari Kontariren udazkeneko zikloaren amaiera ekitaldia egingo dute. Azken egun horretan Roberto Etxebarria izango da protagonista, Bihotzetik bihotzari lanagaz Trikitixa Pieza Berrien Txapelketako lehen saria irabazi zuen sona handiko musikaria da bera. Bere emanaldian, Etxebarriak Gabonetako euskal musikaren bilakaera aztertuko du, gabon kanta tradizionaletatik harago konposizio eta berrinterpretazio berriak eskainiz.
Osagarri gisa, Bizkaiko Txakolina Jatorri Deiturako txakolina ere egongo da. Kontzertuaren amaieran, bertaratzen direnek ardo horren dastaketaz gozatu ahal izango dute, musika eta gastronomia uztartzen dituen Kantari Kontariko saioetako tradizioa, esperientzia paregabe bat eskaintzeko.
Zikloak Mendibile Elkartearen, Bizkaiko Txakolinaren Kontseilu Arautzailearen eta Aiko Taldearen laguntza izan du, eta udaberriko lau saioen ondoren bere arrakasta sendotu du. Maider Zalduondo kalitate zigiluko lehendakariordeak nabarmendu zuenez, proposamen honek "tradizioa eta modernitatea uztartzen ditu" eta "musika eta txakolina uztartzen dituen ekitaldi baten arrakasta berresten du, esperientzia kultural oso bat eskaintzeko".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
