Leioako Udalak gazteentzako hezkuntza-jardueren programazioa diseinatu du, eta Gaztegunean izango da otsailean, martxoan eta apirilean. Proposamenen artean, Txinako sukaldaritzako tailerrak, bideojokoen sorkuntza, adimen artifiziala duen musika-konposizioa eta zeinu-mintzairari buruzko ikastaro ofizial bat daude.
Besteak beste, nabarmentzekoak dira otsailaren 25ean bideojokoen tailerra, Construct 3 bezalako tresnak erabiliko dituena, eta otsailaren 10etik apirilaren 30era zeinu-hizkuntzaren ikastaroa, A1+A2 ziurtagiria emango duena. Gainera, Gazteguneko erabilera anitzeko gunea mantenduko dute, ikasketa-gelak, gazteentzako informazio-bulegoa eta sexualitateari buruzko aholkularitza dituena, hain zuzen.
Plazak mugatuak izango dira, beraz, urtarrilaren 23ra arte egongo da izena emateko aukera Gaztegunedi Digitala webgunean. Ekimen horiek Leioak gazteen ikaskuntzagaz eta sormenagaz duen konpromisoa indartzen dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
