Leioako Betiko Ikastolak ate irekien jardunaldiak antolatuko ditu urtarrilaren azken egunetan, interesa duten familiek ikastetxea, bere hezkuntza-eskaintza eta eguneroko jarduna hurbiletik ezagutzeko aukera izan dezaten. Ekimen hau abenduan egindako bisiten arrakastaren ondoren antolatu dute, eta familia guztientzako irekita egongo den ekimena izango da.
Jarduerak goizez zein arratsaldez egingo dituzte. Lehenengoak, 09:10 eta 11:00 bitartean izango dira, ikasleak klasean dauden bitartean egingo diren ibilaldi gidatuakaz. Arratsaldekoak, aldiz, 16:45ean izango dira, eta formatu bitan banatuta egongo dira: ikastola osoaren ikuspegia izateko bisitak eta hezkuntza-etapa bakoitzean sakontzeko saioak irakasleakaz. Jarduerak umeakaz batera egingo dituztenez, euskaraz izango dira, baina argibideak gaztelaniaz ere eman ditzaketela argitu dute.
© BETIKO IKASTOLA