Udalak Leioako VI. Emakumeen Martxa antolatuko du, martxoaren 9an, domekan, herriko kaleak morez aldarrikapenez betetzeko. Ekimena martxoaren 8a, Emakumearen Nazioarteko Eguna, ospatzeko diseinatutako programazioaren parte izango da.
Martxa 11:00etan abiatuko da Errekalde plazatik, eta bertan amaituko da herrian kaleetatik hiru kilometroko ibilbidea egin ostean. Egun horren helburua emakumeek gizartean parte hartzeko eta pertsona gisa, gizonekiko berdintasunean, garatzeko egiten duten borroka eta aldarrikapena ikusaraztea izango da.
Parte hartzeko beharrezkoa da aldez aurretik izena ematea; horretarako epea zabalik egongo da otsailaren 21era arte, eta izena Udaleko eta Gaztelubideko Herritarrentzako Arreta Zerbitzuetan edo Kultur Leioan eman daiteke.
Aurtengo ediziorako, ohi bezala, Udalak kamiseta batzuk diseinatu ditu, eta izena eman dutenek doan jaso ahal izango dituzte martxoaren 9an bertan, lasterketaren aurretik, 08:00etatik 10:00etara, Errekalde plazan. Era berean, Udalak datozen asteetan aurkeztuko du Emakumeen Nazioarteko Egunerako aurreikusitako programazioa.