Finalerdiak 10:00etan hasiko dituzte Lauro Ikastola eta Claret Askartzaren arteko neurketagaz; ostean, emakumezkoen txapelketan, Leioa Waterpolo B eta Larraina-Iruña B arituko dira. Jarraian, 13:30etik aurrera, gizonezkoen taldeen txanda izango da: Leioa Waterpolo-CW Sestao eta Claret Askartza-DN Portugalete taldeakaz.
Arratsaldean, emakumezkoen eta gizonezkoen hirugarren eta laugarren posturako neurketak jokatuko dituzte, 16:30ean eta 17:45ean, hurrenez hurren. Final handiak 19:00etan (emakumezkoak) eta 20:20ean (gizonezkoak) izango dira, eta horiekaz emango diete amaiera waterpoloaren festa handiari.
Kirol-ikuskizunaz gain, jardunaldian ikusleek zozketa handi batean parte hartu ahal izango dute, ekitaldiaren babesleek emandako sariakaz banatuko dena, euskal waterpoloarentzako jardunaldi berezi horri beste pizgarri bat gehituz.