Proiektua Lanean Fundazioagaz eta Euskadi Prestakuntza Funtsagaz lankidetzan sustatu da, eta Lanbide-Euskal Enplegu Zerbitzuaren Lehentasunezko Arretako Kolektiboentzako Enplegu Proiektu Integralen deialdiaren barruan dago, eta 171.150 euroko diru-laguntza izango du. Hautatutako pertsonen enplegagarritasuna hobetzea du helburu, prestakuntza espezializatua, lan-esperientzia eta banakako orientazioa barne hartzen dituen ibilbide baten bidez.
Parte-hartzaileek 100 orduko prestakuntza jasoko dute gune publikoak mantentzeko, igeltserotza, pintura, arotzeria eta lorezaintzako moduluakaz. Gainera, lanaldi partzialerako kontratatuko dituzte sei hilabetez, eta, horri esker, eskuratutako ezagutzak benetako lan-ingurune batean aplikatu ahal izango dituzte. Laneratzea indartzeko, pertsona bakoitzak bere beharretara egokitutako orientazio-plan bat ere izango du.
Hautaketa-prozesua Lanbideren bidez egingo dute, eta ahultasun-egoeran edo gizarte-bazterkeriako arriskuan dauden pertsonak lehenetsiko dituzte. Prestakuntza Euskadi Funtsak emango du, eta Lanean Fundazioak kudeatuko ditu kontratazioa eta lan-laguntza.
Ekimen honegaz, Leioako Udalak gizarteratzeagaz eta udalerriko enplegua suspertzeagaz duen konpromisoa berrestu gura du. Parte-hartzaileen enplegagarritasuna hobetzeaz gain, programak herriko espazio publikoak mantentzen eta edertzen lagunduko du.