Zentro berria 14.000 metro karratuko lursail batean eraikitzen ari dira, Aldapabarrena kalean, Sakoneta auzoan, orain arte, 180 plazako aparkalekua zegoen lekuan, hain zuzen. Azpiegiturak 9.743 metro koadro izango ditu, hiru solairutan banatuta: ikasgela espezializatuak, liburutegia, jantokia eta administrazio-gunea. Gainera, lurpeko aparkaleku bat ere izango du eta Altzaga Ikastola ikastetxearen kanpoaldeko guneak handituko ditu 2.360 metro koadro gehiagogaz.
Kokapenari buruzko eztabaida 2018an hasi zen, eta, unibertsitate-eremuko eraikina handitzea baztertu ondoren, hirigunean kokatzea erabaki zuten. 22,8 milioi euroko aurrekontuagaz, lanek 22 hilabeteko epea dute, beraz, 2026aren amaieran amaitzea aurreikusi dute.