Eusko Jaurlaritzako Segurtasun Sailak jakinarazi duenez, zauritu biak ospitalera eraman zituzten, lehenengoa Urdulizko ospitalera eta bestea Gurutzetako ospitalera.
Etxebizitzako jabea zen gizonak mailu bategaz eraso egin zion biktimetako bati, eta zauriak eragin zizkion buruan, besaurrean eta saihetsetan, biktimak azaldu duenez. Beste egoiliarrari zartagin batetik irakiten zegoen olioa bota zion, eta erredurak eragin zizkion aurpegian eta lepoan.
Ertzainek etxebizitzan aurkitu zuten erasoaren ustezko egilea, eta atxilotu egin zuten, lesio-delitua egotzita.