Leioako Udalak antolatutako 2025eko San Juan jaietarako kartel lehiaketak finalistak ditu. Epaimahaiak daborduko bost irudi aukeratu ditu, eta orain herritarrek erabaki beharko dute aurtengo jaietarako kartela.
Leioaztarrek gehien gustatu zaizkien hiru kartelak bozkatu ahal izango dituzte (3 puntu, 2 eta 1, hurrenez hurren) Kultur Leioako web orriaren bitartez edo erakusketan bertan botoa emanez, apirilaren 25era arte.
Kartel irabazlea maiatzaren 11n jakinaraziko dute, 19:00etan egingo den ekitaldian eta irabazleak 800 euroko saria jasoko du. Gainera, aurkeztutako lan guztiak ekainaren 12ra arte ikusgai egongo den Kultur Leioako erakusketa baten parte izango dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!