Euskaraldiak herritarren hizkuntza-ohiturak eraldatu gura dituen ekimen kolektiboa da, euskararen eguneroko erabilera bultzatzeko ahobizi (beti euskaraz egiten dutenak) eta belarriprest (euskaraz hitz egitera animatzen dutenak) rolak sustatzen dituena. Aurten, gainera, Leioa kaleak arteen ikuskizunakaz beteko dituen Umore Azokak bat egingo du ekimenagaz, antzerkibizi profil berriakaz, hau da, euskaraz aritzen diren aktoreakaz, eta ikusleprest edo emanaldi horietara joaten den publikoaren profilakaz.
Herritarrek izena eman dezakete izenematea.euskaraldia.eus webgunean, eta txapak jaso ditzakete Kultur Leioan, Sakonetan, Gaztegunean, Mastitxu Euskaltegian edo herriko hainbat ikastetxetan.
Parte-hartze hori Leioako Udalaren estrategia zabalago baten parte dekla azaldu dute Udaleko iturriek, hizkuntza-ingurune inklusiboagoa bultzatzeko, euskarak egunerokoan duen papera indartuz. Kultur aniztasuna gero eta handiagoa den testuinguru honetan; izan ere, gizarte kohesioa hizkuntza ikuspegi batetik indartzeko Euskaraldia bezalako ekimenak funtsezkoak direla nabarmendu dute.