Eguazten goizaldean, gazte batek istripu bat izan du Leioan, Udaltzaingoarengandik ihes egin ostean. Poliziak abiadura handian eta kontrako noranzkoan antzeman zuen Artatza kaletik zihoala. Gidariak ez zien jaramonik egin agenteen geldiarazteko ohartarazpenei eta ihesaldi arriskutsu bati ekin zion hirigunetik.
Gertakariak 00:30ak aldera jazo ziren, eta pertsekuzioa Leioandiko biribilgunean amaitu zen, gazteak bere ibilgailuaren kontrola galdu eta zenbait kanpai-buelta eman zituenean. Istripuaren larritasuna gorabehera, gidaria bere kabuz atera zen erabat txikituta geratu zen ibilgailutik, eta ez zuten ospitalera eraman behar izan.
Polizia iturrien arabera, gazteak negatibo eman zuen alkoholaren eta drogen testetan, baina bide-segurtasunaren aurkako hainbat delitu leporatu dizkiote.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!