Ekimen nabarmenen artean, udalerriko hainbat auzo zeharkatuko dituen erakusketa ibiltari bat egongo da. Eskubideen atzerakadaz ohartarazi gura duen erakusketa daborduko hasi da, Lamiakoko metro geltokiko plazan, eta maiatzaren 23ra arte egongo da bertan. Ondoren, Sabino Arana kalean (ekainaren 6ra arte), Pinuetan (Langileria 202, ekainaren 18ra arte) eta San Bartolomen (baselizaren ondoan, ekainaren 30era arte) egongo da.
Beste proposamen kultural garrantzitsu bat Javier Liñeraren Barro Rojo antzezlana izango da, ekainaren 5ean, 19:00etan, Kultur Leioan. Benetako gertakarietan oinarritutako antzezlanak gizon batek bere orientazio sexualaren ondorioz jasandako errepresioa kontatzen du. Sarrera doakoa izango da, gonbidapenak jaso ondoren.
Gainera, ekainaren 19an, 18:30ean, Osoko Bilkuren Aretoan Iñigo Lamarca ararteko ohi eta Euskadiko LGTBIQ+ aktibismoaren erreferenteagaz hitzaldi-elkarrizketa bat egingo dute. Pilar Kaltzada komunikatzaileak gidatuta, saioak Lamarcak Gehituren sortzaile eta Gay nauzu eta La suerte de Regi bezalako lanen egile gisa izandako ibilbidea aztertuko du.
Kanpaina LGTBIQ+ banderakaz indartuko dute udal-eraikinetan, kartelakaz, banner digitalakaz udal-webgunean eta sare sozialetako edukiakaz, erakundeek berdintasunarekiko duten konpromisoa berretsiz, 2023-2027 Agintaldi Planaren esparruan.