Datorren eguaztenean, ekainaren 11n, Jolasaren Nazioarteko Egunean, Leioako lehen Jolas Azoka ospatuko dute. Arrienako parkera hurbiltzen direnek, 17:30etatik 21:00etara, jolas kooperatiboak, ur-globoen gerra, eskulanen tailerrak eta haurrentzako diskoteka izango dituzte eskura.
Ekimen berezi hau Leioako Umeen Kontseiluak diseinatu du, ikasturtean zehar jolasa landu baitute euren egunerokoaren funtsezko atal gisa. Azokaren bidez, Udalak jolasaren garrantzia aldarrikatu nahi du, haurrek ondo pasatzeko, sozializatzeko eta ikasteko aukera paregabea baita.
Leioako Umeen Kontseilua 2008an sortu zuten, Udalak parte hartzeko eta kudeatzeko gune gisa, eta erabateko presentzia eta eskubidea ematen die haurrei. Hasieran proiektu aitzindaria izan zen, eta urteetan zehar eredu bihurtu da beste udalerri batzuentzat. Horren helburu nagusia umeen parte-hartzea modu erreal eta eraginkorrean sustatzea da, Leioako erabakietan eta hobekuntzan parte hartuz.